Birači koji svoja vijeća biraju na neposrednim izborima moća će da glasaju na 881 mjestu koja su otvorena jutros od sedam sati. Pravo da glasa ima 456.444 birača upisanih u poseban birački spisak.

Republička izborna komisija proglasila je 82 liste za izbor 17 nacionalnih vijeća nacionalnih manjina koje su ostvarile pravo da svoja vijeća biraju na neposrednim izborima, a registrovano je 313 elektorskih prijava za izbor nacionalnih vijeća Makedonaca, Hrvata i Crnogoraca koji će vijeća biratu putem elektorske skupštine.

Za elektorske izbore upisano je 32.775 birača, a za crnogorsku elektorsku skupštinu prijavljeno  i verifikovano 97 elektora, za hrvatsku 132 i za makedonsku 84.

Inače najveći broj lista za neposredne izbore imaju pripadnici romske zajednice, čak 10, slijede Bunjevaci – sa devet, dok je za izbor rumunskog i rusinskog vijeća proglašeno po sedam lista.

Po pet lista imaju pripadnici Albanaca, Grka, Slovaka i Ukrajinaca, dok će Mađari, Nemci, Aškalije, Bugari i Vlasi svoje predstavnike u vijeću nacionalnih manjina birati sa po četiri izborne liste.

Tri izborne liste imaju Egipćani, a po dvije Bošnjaci, Slovenci i Česi koji žive u Srbiji.