Svjetski popularna američka crtana serija Simposonovi odala je poštu žrtvama prošlonedjeljnog napada u Parizu u svojoj poslednjoj epizodi, prenose danas američki tablodi.

U epizodi emitovanoj sinoć na američkoj televiziji, najmlađi lik porodice Simpson, mala Maggie nosila je transparent na fransukom “Ja sam Charlie” koji je nastao dan nakon napada na pariski satirični nedjeljnik Charlie Hebdo u kojem je ubijeno 12 ljudi.

Serija Simpsonovi se emituje od 1989. godine i dobila je nekoliko desetina raznih nagrada. Serija je popularna u cijelom svijetu.

U seriji koja inače ne robuje pravilima o političkoj niti bilo kakvoj drugoj korektnosti, pojavljivali su se glasovi poznatih ličnosti kao što je bivši britanski premijer Tony Blair i vlasnik Foxa Rupert Murdoch, ali se parodija na račun nekih slavnih ličnosti parodiranima ponekad ne dopada.

https://youtube.com/watch?v=UEJIuxBEBIE