Španac Rafael Nadal poslije poraza u trećem kolu Mastersa u Miamiu od Fernanda Verdasca (4:6, 6:2, 6:3) istakao je da nije nezadovoljan kako je igrao.

Prema njegovom mišljenju osnovna stvar s kojom mora da se suoči je kako da se nositi sa emocijama.

“U ovom trenutku, moj tenis je bolji nego prije pola mjeseca. U isto vrijeme bio sam previše nervozan u važnim trenucima i to moram da ispravim, kao i da poradim na kontroli emocija”, rekao je Nadal.

Turnir u Miamiju jedan je od rijetkih koji Španac nikada u karijeri nije osvojio.

“Sada mogu da kažem da sam osvojio toliko trofeja u karijeri, da više ne moram da pobjeđujem. Ali nikada to neću da kažem, jer želim da pobjeđujem. Želim da zadržim osjećaj povjerenja da mogu da se borim za trofeje. Još imam motivaciju”, naglasio je Nadal.